Skolinn buinn....syningin byrjud

Seinasta verkefnið í skólanum var að hanna eitthvað sniðugt með einhvern hlut frá frilandsmuseet sem "inspiration". Frilandsmuseet er eins og hið íslenska Árbæjarsafn með fullt að fínu og sniðugu gömlu dóti.
Sýningin er fram í miðjan október...láttu sjá þig!:)



Uppstilling á safninu


Inspirationin...


Pappakrukkan mín


Sýningaskráin...


Sýningaskráin...!

Geðilegan 17.juni!

Afmælisbarn dagsins er tvitugt!!!!

Til hamingju Sigga Gyða!

Hvað a maður að gera...

...í svona hita?!!
minnst 30 gráður í sól(ef ekki meira) og kannski þægilegar 25 gráður í skugga.
Rugl!!!!!!
Íslendingar eiga bara að vera þakklátir fyrir norðanátt og ferska sjávargolu...því hér stendur loftið í stað og haggast ekki!
Mig langar bara heim til klakans þegar svona er...

Ég er loksins komin heim í skuggsæla íbúðina eftir að hafa verið í gufubaði í skólanum. Hendurnar á manni verða klístaraðar af rakanum og það er bara óþægilegt að taka sér neitt fyrir hendur.
Þessvegna fór ég bara heim og borðaði ís!

Það er stelpa niðri í garðnum við húsið okkar í bikini....datt í hug að skella mér í sund-outfittið og fara með henni í sólbað en áttaði mig svo á að þetta væri sólstingurinn að gefa mér kreisí hugmyndir...


Ætla að fara að stinga hausnum inn í ískáp!

Eigum við e-ð að ræða.........

......30 gráður og heiðskírt?

Tja...

Sumarlegar sumarpælingar...

Tími íssins er kominn!!!!!!!!!!!!!

Hér er mega gott veður, 25 + gráður og heiðskírt...auðvitað verður maður að monta sig aðeins þegar maður er það heppin að lenda í sól og blíðu.
Haha!

Ég byrja í nýrri sumar/skólavinnu á morgun. Ég verð skrifstofu-dýr hjá "Kort og matrikel styrelsen"( aka. Landmælingar).
Ég er alveg spennt að byrja....en hef þó á tilfinninguni að þegar byrjenda-stressið er liðið hjá þá verði þetta svoldið "boring"...en ég verð víst bara að bíða og vona að starfið komi mér á óvart.
Mitt starf verður semsagt að sækja fram kort og mælingar í tölvunni eftir pöntunum frá fyrirtækjum og einstaklingum og annað þesslegt.
-Mötuneytið þarna á að vera snilld....og það er alltaf stóóór plús!

Skólinn klárast ca. 18 júní og þá geta gestirnir byrjað að detta inn....amk hafa þeir sem ekki hafa eignast barn innan síðustu 3 mánaða enga afsökun!

Getur einhver sagt mér afhverju Paris Hilton er laus úr fangelsi eftir aðeins 3 daga af 23 daga dómi?? Hvað varð um þá fáránlegu fyrirætlun hennar um að hugsa sinn gang og bæta heiminn?? Skil ekki svona.....

Ég er enginn prófarkalesari.....EN ég tel mig stundum geta skrifað betri íslensku en þeir sem starfa við vefsíðu mbl.is. Það pirrar mig frekar mikið að lesa grein þar sem illa er farið með orðatiltæki, skorur er á orðum inni í setningum og að ekki sé minnst á stafsetningarvillurnar. Ég ætla ekki að koma inn á staðreyndarvillur...það er allt önnur ella!

Jæja...nóg í bili af röfli....þó að nýjasta markmið mitt sé að breyta þesu bloggi í tilgangslaust röfl um hitt og þetta (við skulum ekki fara út það hvort það hafi ekki verið það fyrir)

Adios....og góða ferð allt fólkið sem er á leiðinni í frí í framandi löndum.

Islandsferð

Jæja..þá erum við komin aftur til DK.
Frábær ferð...
Stúdentspartí, eitt stykki trúlofun, vina/vinkonuhittingur og mikið borðað af góðum mat.

Allt í allt yndisleg ferð!

timinn flygur...

...nú styttist all verulega í að ég (við) skreppi heim.
Í mjööööög stutta heimsókn. Í raun næ ég bara að að anda aðeins að mér ferska loftinu, borða góðan mat í tilefni af stúdentsveislu/20. afmæli litlu systur og drekka nokkur glös af íslensku vatni....áður en ég hoppa upp í vél aftur.
En ég ætla mér svooooooo að njóta þessara ÖRFÁU daga á klakanum með fjölskyldu og vinum.

Cant wait!!!!!!


-ef ég skipulegg tíma minn rooooooosalega vel næ ég kannski að dýfa litlu tá í Neslaugina áður en ég fer *tilhlökkun*

My big big little sis

Í dag verður Sigga Gyða stúdent frá Kvennó!

Til hamingju með daginn mín kæra!

Babygirl!

Elsku Birna og Andri innilega til hamingju með litlu skvísuna!
Get ekki beðið eftir að heilsa upp á hana, halda á henni og segja henni útlanda-ævintýri um Hildz frænku!

30 mínus 22

Yndislegir desertar....

Ragna vinkona var í heimsókn hjá okkur um helgina og við brölluðum ýmislegt í góða veðrinu og fórum meðal annars á veitingastaðinn Reef n Beef og fengum okkur þessa líka geggjuðu eftirrétti....

Róbert Alvar: Til hamingju með töffara nafnið :)

Utsynið ur nyja eldhusglugganum! :)

Luxuslif a nyja staðnum..

Jæja helgin framundan..það verður æði.
Skilaði "viku"ritgerðinni minni í gær, sem ég þurfti að gera samhliða flutningunum. Nú sjáum við fram á smá afslöppun um helgina, sem inniheldur meðal annars uppsetningu skápa og annað þessháttar...og vonandi tökum við upp úr allra seinustu kössunum. Ég sé að það eiga að vera 18 gráður hér á sunnudaginn og ég stefni á að prófa garðinn við húsið okkar eða jafnvel Frederiksberg have fyrir smá sólbað.

Annars langar mig bara að segja til hamingju við alla nýbökuðu foreldrana sem spretta upp hægri vinstri þessa dagana. Sólveig og Georg fengu strák í seinustu viku og í gær eignaðist Carlos vinur okkar og konan hans Karina litla stelpu. Nú eru bara tvær eftir...Birna og Julie (frænka Troelsar)..ég veit að annað þeirra kemur í næstu viku og verður strákur ;)

Ætla ekki að skrifa neitt um Júróvision...maður nennir varla að horfa á þetta lengur...hvernig væri að starta bara nýju batteríi - einhverju svona "Skandivision" Fyrir Ísland, Danmörku, Svíþjóð, Noreg, Finland, Grænland og Færeyjar...kannski Bretland og írland með? Það væri gáfulegra..því að tónlistasmekkurinn er ansi mismunandi eftir því hvort þú kemur frá suður eða norður Evrópu.

Hmmm..ætlaði að skrifa e-ð meir...en þar sem ég er að spjalla við Dröfn á msn...þá er ég víst búin að gleyma því.
Svo..nóg í bili.
Góða helgi!

Kosningar nalgast...

Kosningar smosningar....
..er ég að missa af einhverju í sambandi við kosningabaráttuna heima?
Hér er í danaveldi er lítið um að íslensku flokkarnir kynni sig og sínar stefnur...kannski ættu þeir bara að gera það.

Er fólk búið að ákveða sig?
-ég er sko ekki að spyrja um HVAÐ fólk ætlar að kjósa heldur HVORT að fólk sé búið að taka ákvörðun...

Missi af... :/

Mig langar svakalega að sjá Risessuna á laugardaginn!!

Erum loksins flutt!!

...alla leið frá Københavns kommune til Frederiksbergs kommune...
Það var sko ekkert grín að flytja draslið upp á fimmtuhæð...!

Erum alveg búin á því..!

Hmmf...

Ég á að byrja að skrifa ritgerð í dag...ég hef viku...sem er svo sem ágætt.
Ef ekki væri fyrir það að úti er sól og blíða alla daga með upp undir 20 stiga hita!
Og svo vill svo til að við ætlum okkur að flytja á laugardaginn sem felur í sér pökkun dagana á undan!

Er einbeitningin í lagi?...Er ég að sökkva mér ofan í fræðilegar bækur og skemmtilegheit á milli kassana?
Nei...eða...það gengur amk. ansi illa!

Geri vonandi betur á morgun(fingers crossed!)

Ég er samt búin að vera dugleg að setja drasl í kassa undanfarna daga...skrítið að vera að pakka aftur því það er innan við ár síðan ég tók allt draslið upp úr kössum. En ég er sátt þar sem nýja íbúðin er draumur miðað "gamla" pleisið sem er þó ekki al slæmt.

Jæja...víst kominn tími til að hætt að tefja tímann...

Sneak preview....

Flutningur planaður á laugardaginn, þar sem við erum aðeins á undan áætlun með málunina. Það er ekki að spyrja að dugnaðinum ( og það þó ég segi sjálf frá)!
Herbergið á myndinni er vinnuherbergi/gestaherbergi.

Það stefnir í að Ragna ætli að næla sér í titilinn "fyrsti gesturinn" á nýja staðnum, þar sem hún ætlar að koma til Köben um miðja maí.

Guðrún Anna og Óli Róbert-til hamingju með soninn!
Jana og Einar-til hamingju með dótturina!

Svo er stutt í Birnu og Andra dóttur/son.....allt að gerast þessa dagana!

Bissi tæmes

Þessa dagana erum við yfirleitt í nýju íbúðinni að mála og ganga frá hinu og þessu.
Ég er nú reyndar líka í skólanum og þar vorum við að byrja nýtt verkefni, sem reyndar varir bara í viku, en því meiri er pressan að ná að vinna verkefnið og slaka ekki á herbergja máluninni á meðan!

Við erum s.s. búin að fá kall til að slípa gólfin okkar og lakka...lítur ansi vel út.
Baðherbergiskall kemur á morgun og slípar steingólfið þar
svo erum við Tj í málingar-liðinu sem vinnur hratt...enda í æfingu eftir seinasta sumar;)
Þetta er allt að gerast...og stefnir í eðal íbúð og jafnvel flutning eftir ekki svo langan tíma.

Ætla að reyna að henda inn myndum við tækifæri.

p.s. bloggin fjalla ekki um annað þegar maður stendur í svona framkvæmdum. Þið verðið bara að þola það:)

Jeij!

Við höfum keypt svaka fína íbúð á Frederiksberg.
Jeij!
Við munum að öllum líkindum flytja eftir 3 vikur.
Jeij!
Við munum búa á fimmtu hæð.
Jeij!
Fengum lyklana afhenta á mánudaginn var.
Jeij!

Við erum ferlega ánægð með gripinn og það ríkir mikil tilhlökkun í kotinu.
Jibbí jæ jeij


Gleðilegt sumar!

Könnun

Ef ég væri að fara að kaupa mér litla og handhæga stafrænamyndavél hvaða tegund ætti ég að kaupa mér og hversvegna?
(s.s. þeir sem hafa góða reynslu af ákveðinni tegund eða týpu endilega deilið upplýsingunum)

Ny-yrði

Já ég rakst á blogg þar sem það kom fram að íslendingar virðast hafa íslenskað orðið ipod.
Sem er frábært framtak.
Héðan í frá mun ég líka kalla ipodinn minn "lagasvamp".
Mér finnst það sætt og skemmtilegt og töff orð.

-ég er farin út að labba með lagasvampinn minn í góða veðrinu!

Paskanir voru godir

-Fórum á tónleika með Timbuktu.
-Nældum okkur í eitt stykki íbúð
-Sumarbústaðarferð til Rørvig þar sem við rúlluðum mini-páskaeggjum og tókum ferju fram og til baka:)
-Sumarbústaðarferð til Svíþjóðar þar sem við stoppuðum á fullt af flóamörkuðum á leiðinni, löbbuðum í sænskum skógi og
læstumst aðeins inni á sænskri formúlu-bílabraut.
-höfðum það rosa gott.
-átum páskaeggin á núll komma einni
-kláruðum að mála og ganga frá því sem þurfti til að vera formlega búin með íbúðina okkar núverandi.


Nú er skólinn byrjaður aftur og ég er komin á kaf í heimasíðugerð.
Sólin er komin...og í dag á að vera gott veður með 13-18 gráðu hita.
Og afhverju sit ég þá hérna og hangi tölvunni?
Góð spurning

Hafið það gott peeps!

Paskaeggin 07

Þessi glæsilegu súkkulaðiegg voru innflutt til Danmerkur frá Íslandinu góða af mínum elskulegu foreldrum.
Við erum búin með annað þeirra og hitt á ekki von á góðu.

Mmmm páskaegg lengi lifi!

PASKAFRIIIIIIIIIIIII!

vívíví!

Malmø-ferð

Skruppum til Malmø á laugardaginn var og höfðum það næs í góða veðrinu með nokkrum félögum úr höjskólanum.
Áttum góðan dag sem byrjaði á smá túristaferð að "Turning Torso" byggingunni og bryggjuhverfinu í kringum hann...fengum alveg frábært veður...þetta var alveg eins og að vera í útlöndum...*blikk blikk*;)



"Turning Torso" turninn up close.


Ég og svíarnir mínir Amelie, Åsa og Christina.


TJ og turninn góði



Turninn frá öðru sjónarhorni


Smá mynd frá nýbyggðu bryggjuhverfinu í Malmö

Litið að gerast her i landi vors og bloma...

...er samt á fullu í skólanum. Litafræði er viðfangsefnið þessar vikurnar. Mikið hægt að læra í þeirri deild..amk. meira en mann grunar. Það krefst stundum mikillar þolinmæði þó þetta sé áhugavert og skemmtilegt.

Það er blessunarlega gott veður hjá okkur núna sem er bara frábært því kuldaskræfan ég er mikill hitatölu-aðdáðandi. Fólk er að komast í sumar stemmningu og jafnvel farið að tala um að fara á ströndina og að grilla.

Annars er ég bara að kvitta fyrir mig núna til að halda lífi í síðunni. Dettur ekki neitt sniðugt í hug sem gæti verið áhugavert fyrir ykkur að lesa og þar af leiðandi ætla ég bara að koma aftur við seinna.

p.s.
Harpa...þið hefðuð nú geta stoppað við í kaffi hjá mér fyrst að þið fjölskyldan voruð á svæðinu hvort sem er;)
Guðrún R....já það eru breytingar frammundan í íbúðarmálum. Þið Ingiber verðið bara að drífa ykkur yfir til okkar til að fá updeit.

Góða helgi mín kæru:)

Frjals a ny...

...ég er risin úr rekkju!
Eftir 5 daga af algjöru lystarleysi, orkuleysi,magakveisu og ömurlegum hita hef ég loksins loksins loksins komist aftur í heim lóðréttra.
Þessi leiðindar veikindi gáfu mér einungis um það bil 2 daga í samveru foreldra minna sem höfðu tekið sér tíma til að heimsækja mig hingað í Baunaland. Talandi um góða tímasetningu hjá mér!!!
Seinasti dagurinn þeirra var í dag og fengum við geggjað vorveður í bíltúrnum okkar...ekki frá því að maður hafi fengið smá lit.

Framundan mikið að gera í skólanum fram að páskafríi. Ég geri ráð fyrir að hluta af páskafríinu verði varið í sumarhúsum hér í Dk og líka e-ð í Svíþjóð.

Íbúðarmál eru í vinnslu og á góðri leið og læt ég vita meir með það þegar við höfum fengið pappíra í hendurnar.

Ást og hamingja

Fyrrverandi sjúklingurinn...sem er laus við pestina....jeij!

....

veikindi->rúmliggjandi
heimsókn foreldra

skrifa e-ð sniðugt við fyrsta tækifæri.

Vorboðinn...

ég ætla að leyfa mér að segja að vorið sé á næsta leyti hér í Köben( þó að svona yfirlýsingar hafi yfirleitt ekki reynst vel!)
Sólin er farinn að sjást meira og getur maður greint örlítinn hita í loftinu. Þó maður hlaupi ekki niður á strönd með grillið undir vinstri og bjórinn í hægri þá er þetta vissulega í áttina.

Maður verður alltaf svo brjartsýn og jákvæð þegar sólin kemur og þar af leiðandi erum við farin að dunda okkur við íbúðarpælingar. Erum með augastað á tveimur þó að önnur þeirra sé að slá meira og meira í gegn hjá okkur.
Ákvörðun verður tekin á allra næstu dögum.

Vonandi er vorið líka að hressa ykkur við þarna heima!
Skrifa meira fljótlega

Oeirðirnar minnka

...og vonum að það haldist. Það er eitthvað skrítið við að þurfa að halda sig frá ákveðnum bæjarhlutum til að lenda ekki í vandræðum. Maður getur til dæmis ekki ímyndað sér að svo gerðist á Íslandinu, burt séð frá þeirri staðreynd að það er ekki til mannafl í almennilegar óeirðir á Klakanum.

Hér er rigning og grátt veður. Ekkert til að monta sig af...

Ég er í skólanum eins og venjulega og áfram heldur strigaskós verkefnið mitt. Skil í næstu viku. Set kannski inn sýnihorn hérna þegar ég er búin.

Ma og pa ætla að heiðra mig með nærveru sinni í lok mars og er ég hæst ánægð með það. Þau munu í leiðinni halda upp á 25 ára brúðkaupsafmæli og ég mun halda upp á 25 ára skírnar-afmæli( sem er glænýr hátíðardagur sem ég fann upp á)
-25 ár sem Hildur...ekki amarlegt afrek það!

Jæja....nóg í bili!

Dagurinn i dag...

Baráttan um Ungdomshuset á Nørrebro í dag.

Barnatimabilið er hafið...

....í morgun eignaðist ég litla sæta frænku á Íslandinu góða.
Þriðja pæjan í þeirri fjölskyldunni. Til hamingju með það!

Þetta þýðir bara eitt og það er að nú get ég farið með góðri samvisku og ærinni ástæðu í barnadeild H&M og aðrar búðir og skoðað/keypt allt það sæta og krúttilega þar.
Frá og með deginum í dag byrjar s.s. "fæðingartímabil" sem mun standa fram á vor, með síðustu fæðingar í maí.

Æðislegt...ætli það megi flokka þetta undir vorboða?

Tja...

..veit ekki af hverju ég er að skrifa hérna núna...því það er svo sem ekkert í fréttum þannig séð.

Snjórinn er að fara sem er gleðiefni...veit ekki hversu ánægð ég er með rigninguna sem tók við en það er amk. aðeins hlýrra hérna núna. Svo eru danirnir skemmtilegri þegar þeir eru ekki að panikka yfir einhverjum hálfum meter af snjó..eins og þeir hafa gert seinustu daga.

Guðrún Ragna frá Århus kíkti til mín í eins dags/kvölds heimsókn á laugardaginn og ég brá mér á djammið með henni og vinkonum hennar. Fínasta skemmtun...en við fengum staðfest enn og aftur að maður á ekki að taka leigubíl í Köben!! Barasta aldrei...! Hvar annastaðar lendir maður í því að leigubílstjórarnir neita að taka þig upp í vegna þess að þú sért annaðhvort ekki að fara í rétta átt/hverfi eða það ferðin þangað taki of stuttan tíma!??! Hneyksli!! Hjól er það eina sem gildir í þessum bæ og hananú.

Næsta föstudag er grímuball/búningapartý í skólanum mínum þemaið er víst Balkan svæðið og þar sem ég tel mig ekki eiga neitt Balkandót(er heldur ekkimeð það á hreinu hvaða "look" það er) þá ætla ég bara að finna einhvern annan búning.
Þeir búningar sem ég á/hef aðgang að eru eskimóabúningur(maður tók sig vel út í honum í dimmissioninu hehe) eða skipstjórabúningur í yfirstærð. Allar hugmyndir að frekar "auðveldum" en mega töff búningum eru vel þegnar...

All the best
frá Kbh!

Snjor i Köben...again

jæja...mín er hætt að aumka sér yfir aðstæðunum...nú er bolludagurinn og sprengidagurinn líka búnir:)
Veikindin eru líka aðeins betri...fór í skólann í gær og skellti mér í langan hjólatúr og í heimsóknir eftir skóla til að komast aðeins út úr húsi. Ég hef eitthvað farið mér of geyst þar sem ég er aftur slöpp í dag...þó ekki rúmliggjandi sem betur fer...nóg komið af því.

Í dag byrjaði að snjóa í Danmark...blautur snjóir sem samt nær að festa...úff...og ég sem var að veðja á að sumarið væri á næsta leiti. Ég verð illa svikin ef það verður ekki komin sól og blíða í mars;)

kv.
Frk. Vongóð

Gleðilegan Bolludag!

Mér leiðist...er veik heima og er búin að gera allt sem hægt er að gera þegar maður er veik...horfa á sjónvarp, lesa bók, vera í tölvunni og meira að segja að gera smá hreingerningu..úff..það er ekkert leiðinlegra! Sérstaklega þegar ég er líka búin að hanga heima hálfa helgina vegna einhvers slappleika.

Jæja nóg af röfli...bolludagurinn er í dag...engar bollur hér...hmmmf...ekki var þetta betra. Og svo er sprengidagur á morgun...

Æ ég hætti bara hér...

Southpark Hildz...

Þið getið búið til ykkar eigin hér

Valentines smalentines...

Nú er þessi ofur ameríski "kærlighedsdagur" búinn...sem er ágætt!

Það sem betra er er að konudagurinn er á sunnudaginn...jeij!
-og bolludagurinn á mánudaginn....hversu gott getur lífið verið!!??

Allir karlar að taka sig á og gera e-ð sniðugt fyrir dömuna sína...heyr heyr!

Þær sem ekki eru með karl í eftirdragi eiga að vera góðar við sig á sunnudaginn og splæsa á sig eins og einni dollu af Ben and jerry´s eða álíka lúxusi....

Bara smá reminder fyri þá sem þurfa!;)

Glerblasturs-myndir

Hver segir að stórar blásturskinnar séu ekki töff? Þetta er ekkert smá erfitt í byrjun...eins og að læra á trompet!


Ia(Cecilia) vinkona mín í skólanum og annar sví sem aðstoðaði okkur í gler-handtökunum


Verið að blása og rúlla glerkúlu sem seinna varð snafsa-glas


Ég reyni hér að sýna fagmanneg handtök á mörghundruð gráðu heitum glerklumpi!

Þar hafiði það...þetta var stuð en ég held ég ætli samt ekki að leggja það fyrir mig að verða glerlistakona. Aðrir mega sjá um það.

Have a næs mondei!

Þvaður og blaður

...nýtt verkefni í skólanum. Hönnun og markaðssetning á nýju merki/útliti fyrir strigaskó.
Allt að gerast...ég er þessa dagana að kynna mér þennan skemmtilega heim enn frekar og hef strax komist að því að úti í heimi finnst fjöldinn allur af "sneaker-freakers" s.s áhugamenn/konur og safnarar sem lifa fyrir hina og þessa limited edition af hinum og þessum strigaskóm. Ábyggilega skemmtilegt, en afar dýrt, áhugamál.....þar sem verðin á þessum skóm geta verið rosaleg.

Fékk einkunnir í dag fyrir fyrstu önn. Allir sáttir með mig þar svo maður heldur bara ótrauður áfram á sömu braut...

Ég er byrjuð að æfa mig í að prjóna. Kann það alveg, en þarf eitthvað að fínisera það með að læra að prjóna e-ð annað en langa strimla sem enda með því að vera kallaðir treflar því ég kann ekki beint að gera neitt annað. Kannski maður fari bara að læra að pródúsera barnaföt fyrst allir eru svona óléttir þessa dagana;)

Smá súr yfir því að missa af spennandi Vatnó-hittingi í kvöld en þið skemmtið ykkur bara án mín stelpur...þeim mun meira góðgæti fyrir ykkur...haha!

Annars allt gott í Köben

Ymislegt brallað i Köben

...miðvikudagur...prófaði að blása gler og að búa til einhverja klumpa úr gleri...for the first time! Mín ákaflega stolt af klumpunum sínum og svo míní "vasanum"( sem átti að verða staupglas) sem ég blés....ég er bara hetja!!

-fimmtudagur...skólinn byrjaði með tilheyrandi stuði og verkefnum. Fyrsta æfing: að hanna lógó fyrir "vegetarian restaurant" mín á alveg á heimavelli þar:)hehe....fékk TJ minn aftur frá Tjékklandi... fékk fínar gjafir og mikinn þvott eftir fjarveruna:) Mín hæst ánægð með allt saman!

-föstudagur TJ lagðist í bælið vegna veikinda...ég mætti aðeins í skólann og hélt svo heim til að hjúkra sjúklingnum.

-laugardagur...ennþá geisa veikindi og mín þrífur íbúðina ásamt því að vinna í skólaverkefninu. Á meðan ég svo baka súkkulaðiköku fæ ég þá snilldar hugmynd að prófa í fyrsta skipti ever að búa til franska lauksúpu. Nema það að prósessinn tók amk 2 tíma...mæli með að fólk hafi góðan tíma ef það ætlar sér að leggjast í svona verkefni. Hún varð reyndar mega góð og vellukkuð:)
Fór svo í bíó á "Little Miss Sunshine" með Sólveigu og Georgi. Fannst hún alveg snilldar fyndin...mæli með. Svo drekktum við okkur í heitu súkkulaði með vanillu ís á Roberts Coffee á eftir:)

-Sunnudagur.....skólaverkefni...TJ e-ð að hressast....og rólegheit.

Þar hafiði það...rólega helgin mín í hnotskurn

Adios í bili

p.s. engin ábyrgð tekin á stafsetningarvillum í þessum texta!

SNÖKT!

Svoooooo nálægt því!!!!
Ljótu danir!

Aarhus ferðin min....

Matur hjá Leu fyrsta kvöldið


Aros listasafn Aarhus...sýningin sem var í gangi gekk út á að sýna safnið í ljósum logum að kvöldi til.



Flott form á nýja safninu...ferningslagað að utan og allt í bogum og mjúkum línum að innan. Níu hæðir allt í allt. Alveg þess virði að leggja leið sýna þangað.



Horft upp eftir hæðunum. Ólafur Elíasson vann í samkeppni um að fá að hanna e-ð sniðugt fyrir þakið á safninu. Tilaga hans gekk út á að setja hringlaga gang með glerveggjum á toppinn sem gefur manni möguleika á að sjá 360 gráðu útsýni yfir bæinn. Skemmtilegt!



Ég og Guðrún heimsóttum Leu í skólann hennar. Ekki verra að við kennararnir kynntum okkar kennaraháskólann í Aarhus;)



Matarboð hjá Guðrúnu og Ingiber um kvöldið.



Ingiber ávallt hress.



Ég er þarna komin í ferjuna á leiðinni heim...Aarhus fjarska



Iðnvæðingin skreytir bæinn....


Allt í allt snilldar afslöppunar/kúlturferð.....

Handbolti...

...er vinsæll hér í Danmörku.

Afhverju?...af því að þeim gengur vel....alveg eins og Íslandinu.

Leikurinn Danmörk- Ísland í kvöld.

Spennandi!

p.s. er komin heim úr "fríinu" í Århus...myndir komar fljótlega.

p.s.s. áfram Ísland!!!

Ferðahugur!

TJ fer til Tjékklands í snjóbrettaferð á föstudaginn með strákahóp.
Ég vildi gera eitthvað álíka eksótískt...svo ég keypti mér miða með rútu til Jótlands....nánar tiltekið Århus og mun eyða laug, sunn og mánudeginum þar í bæ.
Ég ætla mér að búa hjá Leu vinkonu minni og herbergisfélaga úr höjskólanum og ætlum við að rifja upp gamla tíma og spóka okkur á "strikinu" í århus. Einnig ætla ég að reyna að hafa upp á henni Guðrúnu Rögnu Kennó vinkonu og pína hana til að gera e-ð skemmtilegt með mér;)

Þetta verður villt!

Tjékkland hvað?!!!?

Loksins loksins

Þvottvélin okkar er komin í lag eftir ansi langan tíma!
Sem betur fer er "møntvaskeri" hérna hinu megin við götuna en samt er ekkert betra en að hafa sína eigin vél
Þið getið rétt ímyndað ykkur að í dag er stórþvottsdagur...og ég er hæst ánægð!
Var farin að ganga í fötum sem ég vissi ekki einu sinni að ég ætti...

Hvað eiga stræto og tölvunotkun sameiginlegt...

...bæði vandamál.

Tek sem dæmi tvær fréttir af mbl.is þar sem fjallað var um unglingabræður sem voru með svo mikin uppsteyt, að kalla þurfti til lögreglu, þegar foreldrarnir ætluðu að fara að taka á óhóflegri tölvunotkun þeirra bræðra. KOMMON!!!?!
Það er reyndar ekkert nýtt að tölvunotkun er fíkn nútímans...sem bætist við hinar fyrr þekktu fíknir alkahólisma, eiturlyfja- og fjárhættuspilafíkn. En þegar unglingar eru farnir að veitast að foreldrum sínum vegna þess að þeir eigi að taka til hendinni á heimilinu ...ja eða bara beðnir um að fara út fyrir dyr...þá er sko kominn tími til að taka á málunum fyrr í uppeldinu. Hætta þessu dekri og kenna börnum eins og unnt er að þróa með sér eðlilegar umgengnisvenjur við tölvur og tölvuleikjanotkun...ekki satt!

Ætli það sé komin tölvuleikjadeild inn á Betty Ford center?! Maður bara spyr sig!


Strætó á Akureyri er að gera það gott!
Af hverju er strætó í Rvk ekki að gera það jafn gott? Kannski af því að það er ekki ókeypis í strætó eins og hjá snilldar pólitíkusunum á Akureri. Ok, þeir kalla ca. 400 manns stóraukin farþega fjölda en prósentulega séð er það bara slatti.
Reykjavík ætti svo að reyna þetta...þó það væri ekki nema til að minnka mengunina fyrir litlu sætu borgarbúanna!
Og ef þeir tíma því ekki þá er hugmynd að láta bara aðal leiðirnar vera ókeypis.


Jæja...það bætir og kætir að lesa mbl
Þetta blogg var í boði mbl...ef þið skylduð nú hafa misst af því;)

The danes love me!

Áhugavert gler...

Gæti alveg hugsað mér svona vasa eða skálar.

Gleðilegan þorra...

...ef maður getur óskað fólki þess..það hlýtur bara að vera!

Endilega troðið í ykkur súrsuðu, kæstu og öllu hinu sem fylgir og nartið í smá harðfisk fyrir mig. Einhvernveginn finnst mér yfirleitt vera mikil stemmning í kringum þorrann...þorrablótin og þorramaturinn. Þó myndi ég ekki fyrir mitt litla líf innbyrgða helming þess sem boðið er upp á. Úff...verði ykkur að góðu!

Að allt öðruvísi mat. Hvernig gat ég eiginlega klikkað á því að taka með mér hamborgarasósu og pítusósu??!! Fékk svona sósupar sent með systu í haust...það nottlega löngu búið og hamborgari er auðvitað ekki samur við sig án hamborgarasósu. Treysti mér ekki í að ímynda mér hvernig píta er án pítusósu...
Ferlega get ég verið gleymin, var svona líka búin að skrifa hjá mér að það þyrfti að fjárfesta í svona nauðsynjarvörum í jólafríinu.
Ætli ég verði ekki að reyna að tóra þessa fram á sumar;)
Maður lærir af reynslunni...varð bara að deila þessu með einhverjum!

Góða helgi alle sammen!

Dugnaður á Borupsalle!

Jæja mín skellti sér í bakstur í dag...tvær smákökusortir, vegna skorts á jólabakstri 2006! Og reyndar henti ég í ofninn einni brauðblöndu sem varð líka ansi vellukkuð (hefði varla getað mislukkast). Þetta var einmitt dönsk brauðblanda, nýkomin á markað hér og er á leið inn á íslenskann markað. Ólíkt öðrum brauðmixum er hún gerð úr líffrænt ræktuðum hráefnum og er ferlega sniðug að því leiti að maður bakar það í pakkningunum. Ótrúlega smart gert...hafið augun opin fyrir þessu.
Nóg af auglýsingum...veðrið hér í Köben er ekkert til að hrópa húrra fyrir en lofthitalega séð kvarta ég ekkert að ráði...þar sem hitinn hangir í um 10 gráðum.Það er bar rigningin sem er e-ð að pirra mig.

Nokkrar myndir frá ljósmyndanámskeiðinu.

keramik og þesshattar...

Fyrsta vikan í skólanum eftir frí er búin...ég var á verkstæðisnámskeiði sem gerir mér kleift að nota verkstæði,í þessu tilviki keramikverkstæðið, eins mikið og ég vil. Ég lærði meðal annars að renna skálar, vasa og allt sem mér dettur í hug á rennibekk...nú er bara að æfa sig.
Á morgun fer ég í námskeið fyrir ljósmyndaverkstæðið...

Í dag fórum við í skírn. Sonur bróðir TJ var skírður Lucas Christian..

Ekki meir í dag.

Betra er seint en aldrei!

Þá er maður víst komin aftur til Köben
Fyrsti skóladagur á morgun og hversdagsleikinn fer að rúlla...
Þá er nottlega ekki seinna vænna en að rifja upp yndilsega jólafríið mitt á Íslandinu góða!

-Hélt jól með fjölskyldu minni í nýja húsinu þeirra á Nesinu í fyrsta skipti
-Hélt jól með TJ á íslandi í fyrsta skipti
-Hélt áramót með "stórfjölskyldunni"
-Jólaboð með tilheyrandi skemmtilegheitum og jólamat
-Eyddi tíma með minni einkar frábæru og einstöku fjölskyldu
-Skipulagði og hélt í samráði og samvinnu við fjölskyldu mína stórafmæli móður minnar
-Fór í "nýju"Neslaugina í fyrsta skipti
-Fór í bústaðinn. Grillað og farið í pottinn
-Fór í nýja Ikea
-Reyndi að fara á Bond myndina í bíó
-Það var bæði hist í hádegis-súpu og farið út að borða með góðum vatnalilju-vinkonum
-Hist á kaffihúsi með Kennó vinkonum
-Unnið smávegis í blómabúðinni
-Étið á sig gat alla daga
-Hitti gamla vini/vinkonur sem maður hefur ekki hitt í langan tíma
-Hafði það rosa gott
-Fór á rejúníon með árganginum mínum úr Kvennó...

-ég er ábyggilega að gleyma einhverju mikilvægu og er fólki er velkomið að skamma mig fyrir það

Ástar kveðjur frá Kbh.

(ef einhver er sár yfir að vera ekki með á myndinni er það bara vegna þess að ég á ekki mynd af viðkomandi...eða að það var bara ekki pláss eftir í rammanum.......no hard feelings!)