All packed...

...og á leið heim á morgun.
Skólinn búinn í bili. Búið að vera mikið að gera og loksins loksins kemst maður heim í smá jóla-afslöppun(vona ég).

Sjáumst hress!

Afmælisbarn dagsins...

Til hamingju með daginn Birna mín!!

Bara fáeinir dagar í að ég hitti þig með eitt stykki afmælisgjöf undir hendinni!

Njóttu dagsins eins vel og þú getur..og gangi þér rosa vel í prófinu á morgun!:)

muhaha

Stuð i jola-tivoli...og spilað!

var e-ð að fikta i blogginu minu...nenni ekki að laga það fyrr en i jola friinu!

Rejunionið

Stelpur!
Hverjar eru búnar að kaupa miða á janúar djammið?!?

Jolaæði!

Þessa dagana er ég með rosalegt jóla-æði fyrir klementínum/mandarínum.
Borða þær á hverjum degi og margar...sem er víst bara jákvætt því þær eru hollari en nammi og svo fylgir þeim svo mikil jólailmur:)

Dagarnir mínir innihalda mikið af íslenskri jólatónlist (í boði gesta seinustu helgar), klementínum, skólaverkefnum og smávegis gjafakaupum þó þau séu næstum komin í hús.

Af hverju er maður ekki búinn að versla allar jólagjafir í byrjun september. Maður er alltaf í sömu tímakrísu(þó hún oft hafi verið verri en í ár) á þessum tíma árs. Kannski er þetta efni í enn eitt nýársheitið....

Annars 9 dagar í heimkomu...ætli maður þurfi ekki fljótlega að sækja rykugu ferðatöskuna upp á háaloft.

Jolastemmningin eykst...

-við ætlum í tivoli í kvöld að fá okkur e-ð fínt að borða með Herði og Önnu. Þar fer kannski eitthvert okkar í tæki, það verða hámaðar í sig nokkrar eplaskífur...mögulega heitt kakó...hver veit...en verður án ef stuð.
Í gær vorum við með góðan mat, köku, spil, jólalög og nammi....extremley kósý bara.
Á morgun verður sunnudagurinn haldinn heilagur sem þýðir að við ætlum í bíltúr með gestina...sýna smá Köben, kíkja í búðir og hafa það enn meira næs. Svo erum við að fara í jólaboð hjá Carlos félaga TJ um kvöldið.
Ströng dagskrá en þó ansi ánægjuleg....ekki heyrirðu mig kvarta!

Jæja nóg um það....finnst ég ekkert skrifa hingað inn nema um át og huggulegheit upp á síðkastið.
Efast þó um það eigi eftir að breytast mikið héðan af...

Bráðum koma blessuð jólin!

Pressa fra Icel.Express

Fékk þetta mail í dag:

"Kæra Hildur

Senn líður að brottför þinni til Íslands með Iceland Express. Í þessum pósti höfum við tekið saman nokkur atriði sem gott gæti verið að hafa í huga fyrir ferðina.

Takk fyrir að velja Iceland Express og við vonum að ferðin verði ánægjuleg."


Maður er bara farinn að hlakka til þegar það er komin svona pressa á mann;)

Í dag fáum við gesti sem verða fram á sunnudag. Hörður (L.H.Í skólafélagi TJ´s) og Anna kærasta hans.
Ég efast ekki um að þessi heimsókn eigi eftir að auka enn frekar á jólaskapið.

Annars er þessi vika búin að vera ansi "gestsöm"(nýtt orð) með fólk í mat á hverju kvöldi frá því á sunnudaginn.
Ætti maður kannski að stefna á að opna "Guesthouse" ?...eða erum við kannski þegar búin að því...spurning!

Góða helgi gott fólk

Er að fíla nýja jólalagið með Baggalút....þó að mér dytti aldrei í hug að borða rjúpur um jólin.

Niðurtalning!

14 dagar þanga til ég kem heim...can you belive it??
Ég verð að viðurkenna að ég á erfitt með að fatta það.
Finnst þessi tala alltof lág miðað við allt sem ég á að ná að gera fyrir þann dag.
En ég mér líst samt vel á...

Kúlusúkk, hangikjöt og skyr hér kem ég!!

Maður er alltaf i stuði!

Framfarir i þjonustugeiranum...

...ég þurfti að hafa samband við VIS í dag út af tryggingum sem við höfum haft hjá þeim á meðan við bjuggum heima. Ég ætlaði að senda þeim email (eins og venjulega) og fór þessvegna á heimasíðu þeirra til að hafa upp á netfanginu.
Þar blasir við mér hnappurinn sem sýndur er fyrir ofan. "Hvað getur þetta verið" hugsaði ég og auðvitað í forvitni minni klikkaði ég bara og þá poppaði upp þessi fíni "msn" rammi sem sagði mér að bíða eftir að þjónustufulltrúi myndi koma í spjallið.
Þangað mætti einhver kona og ég fékk þjónustu á metttíma og þurfti ekki einu sinni að bíða í röð né að eyða fullt af peningi í millilanda símtal.

Me like....þetta kallar maður sko framfarir!!

Fyrsti i aðventu..

Búin að vera fín aðventuhelgi...jólabazar og föstudagsbar í skólanum mínum á föstudaginn. Fullt af fínum hlutum til sölu sem nemendur höfðu búið til og góð jólastemmning. Bara mikið stuð, mikið gaman!

Laugardagurinn fór í að þræða búðir...til að finna jólagjafir. Það tókst ágætlega...farið var í City2 verslunarmiðstöðina og risa Ikea. Bæði fínar "búðir" og nóg hægt að versla...en mikið rosalega verður maður þreyttur á að dröslast um á svona stöðum. Hreinlega bara allt of mikið af fólki!

Sunnudagur fór í kósýheit par excelance...kerti, eplaskívur(með engum eplum og eru ekki skífur), teppi, jólapælingar og afslöppun.

Nú eru bara tvö aðventukerti í að ég komi heim í juleferie!!

p.s. Ef einhver tók myndir í afmælinu hennar Drafnar má sá sami endilega senda mér eða pósta þær á blogginu sínu.

Að lokum vil ég segja að ég er mjög fylgjandi þessu og finnst bara asnalegt að það hafi verið gerðar rosa framkvæmdir á þessum veg án þess skipuleggjendur hafi hugsað fram í tímann.


Jóla/jóla kveðja frá moi

Afmælisbarn dagsins...

..er hún Dröfn mín!

25 skemmtileg ár hafa flogið hjá og í kvöld mun hún fagna því með heljarinnar salsa teiti...sem ég kemt EKKI í...búhú...sem þýðir ekkert nachos né tequila handa mér:/

Þar sem ég kemst ekki í kvöld gróf ég upp mynd frá því ég var í afmæli hjá henni fyrir þó nokkrum árum síðan er við í denn gengum í menntaskóla saman...Dröfn þú verður bara að minnast þessa dags og ímynda þér að ég sé á staðnum.

Skemmtið ykkur rosa vel!



Grúppu högg!!:)




Ein auka til svona til að minnast gamalla tíma;)

Leikurinn...hver er maðurinn/konan?

Haustferð i dönskum skogi...

Its me!!!


Api í trjánum...




svoldið önnur stærð á trjám en heima...;)
Hvað lærði ég að þessari ferð?
1. í þessum skógi er hæst punktur Sjálands...91 m á hæð.
2. það er gott að vera í góðum og háum gúmmístígvelum þegar gengið er um skóg með blautum laufum og drullusvaði...

Lovely!

Fyrir þa sem eiga i erfiðleikum með að nota tepokakassa...

Bloggfjarvera

Við TJ vorum svo heppin að fá Hagnaðarfjölskylduna í heimsókn í nokkra daga.
Búið að vera mikið fjör og mikið gaman....og mikið að gerast!
Það kemur ábyggilega fínasta ferðasaga á síðunnar hennar Hörpu svo þið verðið bara að bíða eftir henni;)


Ákvað að henda inn þessu líka fína myndbandi....

Rakst á fyrir tilviljun...

...útlendingur á íslandi...gaman að lesa!

Danskur humor...

...rakst á þennan danska brandara. Skóladanskan ætti nú að redda ykkur að einhverju leiti gegnum hann;)


-Børnene fik i skolen at vide, da de lærte om Island, at hovederhvervet* er fiskeri. (*aðal atvinnuvegurinn)

"Man betaler faktisk alt med fisk", sagde læreren.

"Det var sørens*, sagde lille Peter. "Sikke nogle sjove parkometre* de må have der oppe."- (*það var árans.....*stöðumæla).

Jolin orðin official! :)

....í dag er sá merkisdagur að ég má löglega byrja að tala um jólin á mínu heimili.
-ég var að velta fyrir mér að skreyta svoldið vel fyrir þessi jól...e-ð í stíl við myndina;)

Stöndum vörð...

...þetta finnst mér sniðugt.
Ekta skólaverkefni...ja eða fyrir áhugasama um íslenska tungu.
Vera með...

Loksins bloggað

Við TJ eyddum kvöldstund með þessum gæja í gær og höfðum mikið gaman af.
Ég á samt alltaf erfitt með að horfa upp á grín gert af gömlu yndislega góðu fólki. Sem betur fer var senan ekki það löng! Allt annað var top-notch!

Það er búið að vera mikið að gera skólalega upp á síðkastið og skilaði ég möppu í gær fyrir seinasta verkefnatímabil. Jeij...nýtt tímabil á mánudaginn og þá er ég ekki að tala um kortatímabil;)

Harpa og frítt föruneyti koma hingað eftir skuggalega stuttan tíma...ótrúlegt hvað tíminn líður hratt...og hlökkum við mikið til. ég er meira að segja búin að fjárfesta í árskorti í tivoli til að geta skundað með á jólamarkaðinn þar sem opnar 16.nóv. Ég á ábyggilega eftir að vera tíður gestur þar fram að jólafríi nú þegar maður getur bara valsað inn hvenær sem er.

Jæja helgin framundan með sínum skemmtilegheitum ekkert planað og allt opið

-Góða helgi

Fótboltamyndir (ath. fengnar að láni:)

Hér er slóðin á restina að fótboltafjörinu...Guðrún Ragna var myndavélakona-ferðarinnar

Stuð i Köben

Fórum á leikinn á miðvikudaginn. Það var bara stuð og sérstaklega þar sem "okkar" menn unnu. Samt svoldið súrt að Man. United hafi ekki sýnt betri takta...i was not really impressed.



Stjörnufans hér að fimmtudaginn...við löbbuðum framhjá ráðhúsplássinu þegar tónleikarnir þar voru í gangi..ég var dauðfegin a' geta farið heim undir teppi og fylgst með þessu í imbanum því það var alveg ískalt úti.

Í gærkvöldi var svo jólabjórinn seldur og mikil stemmning. Ég fór í "Mtv after-partýið í skólanum mínum. Voða fjör. Svo stakk ég af þaðan og hélt niður í miðbæ að hitta nokkra íslendinga og elta jólabjórsbílinn (eins og kóklestin heima). Það var rosa gaman. Fólk var með Tuborg jólasveinahúfur með blikkandi dúskum, syngjandi og trallandi. Maður kom seint heim.

-í dag er afslöppunardagur. Fólkið sem er að flytja inn í íbúðina fyrir ofa okkur er að gera einhverjar voða breytingar svo það heyrast skemmtileg borhljóð og bank og fleira. Þurfti akkurat að vera í dag:/

Góða helgi fólkens

Fyrsti snjorinn...

...kom í morgun!
Þetta var/er blautur snjór og þar af leiðandi nær hann ekki að festa sig heldur bráðnar einn tveir og tíu.
En þrátt fyrir það...jeij jólin eru að koma(athugið minna en 2 mánuðir til jóla!)

Það er fatt betra i heimnum en...

.....jóga. Það er amk á topp 10 listanum mínum!!
Það er bara ótrúlegt hvaða áhrif nokkrar spes æfingar geta haft á mann.

Annars allt gott að frétta héðan. Við fáum gesti í einnar nætur gistingu á miðvikudaginn(mega auðvitað vera lengur) það er hið stórskemmtilega par frá Århus sem ætlar að skella sér með okkur á FCK-MAN.UNITED leikinn.

Svo er allt að verða vitlaust í MTV european music awards hér. Það fer allt fram á fimmtudaginn, voða stemmning fyrir því.
Var að labba yfir Rådhuspladsen áðan og þar eru þeir komnir langt með að setja upp risa svið sem á að vera vettvangur tónlistaratriðina og skemmtiatriðana. Þó er allt fræga fólkið og svo verðlaunaafhendingin sjálf í ráðstefnuhöllinni "Bellacenter" sem er svona korters keyrslu í burtu. Lógískt?...nei ekki finnst mér það
Auðvitað verður maður að skella sér í after partýið hjá P.Diddy á Nasa klúbbnum þar sem sérinnflutt Don pergion kampavín verður serverað. Og jafnvel partýið hans Snoop á einhverjum stað þar sem hann hefur látið fólkið mála staðinn allan bláan að innan fyrir þetta eina kvöld í tilefni að útgáfu plötu sinnar sem heitir e-ð með "blue" í titlinum.
Já mín er með allt það helsta á hreinu í sambandi við þennan atburð;)

Svo kemur jólabjórinn á föstudaginn. Það er voða stemmning. Kl. nákvæmlega 20:59 (að mig minnir) mega barirnir byrja að selja jólaølinn! Sama kvöld er bekkurinn minn í skólanum að standa fyrir fredagsbar fyrir nemendur og þemaið verður s.s. MTV after-after party...verður án ef stuð.

Nóg að gera hjá minni!
Lovs*

Hehe...gaman að þessu!

Mér finnst þetta bara fyndið!! Ég er sko bæði asísk og afrísk í útliti. Nú hef ég bara fengið staðfestan grun minn um að ég sé rosalega sjálfsöguð og tæknvædd jazzsöngkona. Ja...eða e-ð í áttina!

Fotboltabullur

Hetja dagsins...og helgarinnar ef út í það er farið...er hann TJ!!

Hann reddaði okkur miðum á löngu uppseldann leikinn milli FCK og Man. United á miðvikudaginn næstkomandi.
Við munum sitja í stúkunni og njóta leiksins og stemmningarinnar ásamt Guðrúnu Rögnu og Ingiber sem eru jafn hæst ánægð með miðana og við.

Mikil til hlökkun hér á bæ!!!

Ég held að ég ætli að halda með báðum liðum þó svo að maður hvetji danina aðeins meir( við erum jú þeirra megin í stúkunni)

Official H&M shopper!

Jæja mín var að fá sendan heim forlátan grip sem ekki er aðgengilegur á íslandi(að mér vitandi) en það er H&M kort. Voða fínt hvítsanserað og rautt "with my name on it. "I feel so special" ;)
Nú verða bara allir sem koma til mín í heimsókn að fá kortið með og nota það þegar verslað er í h&m því að þá safnar maður upp stigum og einhverju sniðugu. Æ er svo sem ekki búin að kynna mér þetta til hlýtar en ég efast ekki um það sé good stuff.
-Sigga þú verður bara að fá að nota það næst

í nótt var víst einhver voða stormur í hér í Danmark. Ég svaf hann greinilega af mér því ég varð sko ekki vör við neitt. Sá bara í morgun að hjólin lágu eins og dómínó í hjólastatífinu og svo eru risa hrúgur af laufblöðum út um allt. Kannski ég fari bara að draga fram vetrarúlpuna. Fussum svei og það bara í lok október ;) hehe

Í dag er ég reyndar hálf slöpp svo að ég hef hugsað mér að vera bara heima og taka til....sounds like a blast i know...en kannski maður baki bara í leiðinni til að setja smá stuð í þetta og æfa sig fyrir jólavertíðina!

-Góða helgi fólkens

Good times...boogie

jæja...systirin var að kveðja.
Við áttum nokkra ansi góða daga hér í verslunarborg norðursins;)
H&M var tekið með trompi og fjárfest í hinu og þessu..nytsamlegu sem ónytsamlegu.
Ég er ekki frá því að ég hafi næstum jafnað Siggu í versluninni. Ekki slæmt þar sem ég hafi verið að spara saman til að geta verslað smá með henni.
Það var hjólað, slappað af í nýjum jogging buxum og úlpu;), skoðað sig um, borðaður góður matur og auðvitað verslað.
Einkar ljúf og skemmtileg heimsókn í alla staði...

Er strax farin að hlakka til að koma heim um jólin!

Turistar i Carlsberg-verksmiðjunni

Carlsberg bjórsafnið skoðað. Yfir 13.000 mismunandi bjórtegundir allsstaðar að úr heiminum.



Ekki amalegt að fá einn svona old school hestvagn sendann heim þegar maður heldur teiti:)


Prufuðum allar húfurnar í "souvenir shop"

Júlía og Kristján skelltu sér til Köben með litlum fyrirvara og voru mætt hingað á laugardainn seinasta. Okkur til mikillar gleði og ánægju! Við notuðum tækifærið til að túristast aðeins með þeim og fórum í ferð á Carlsberg-safnið. Með aðgangseyrinum fylgdu tveir bjórar að eigin vali á Jacobsen barnum sem er bar staðarins...ekki slæmt! Einnig fórum við út að borða á tyrkneskum stað þar sem okkur var lofaður magadans. Þær sviku okkur....kannski voru þær veikar því þær hafa verið svo illa klæddar í vinnunni:) Who knows!

Frábært að fá þau í heimsókn...og eru alltaf velkomin!
Næsti gestur kemur á fimmtudaginn. The one and only sister ætlar að taka verslanir borgarinnar með trompi. Ég fæ að vera með...ábyggilega til að halda á pokunum!

...það ert orðið ansi kalt. hér. Sigga taktu með þér hlýja peysu....nei annars þú kaupir hana bara;)

Luv fra moi!

Hahahaha...

Hmmm...hvert skal halda?

Lucky numer 13

...áðan pantaði ég mér klippingu og lit á morgun á hárgreiðslustofunni hinum megin við götuna.
Það er svo sem ekki í frásögur færandi nema hvað að ég ákvað að vera sniðug og færa tímann minn inn í dagatalið mitt svo ég gleymdi því örugglega ekki. Þá rek ég augun í það að á morgun er föstudagurinn 13 október!!!!

Þetta er í fyrsta skipti sem ég fer í rótækar háraðgerðir á þessari stofu.
Á ég að afpanta tímann? Hefur einhver lent í að slæmri hárgreiðslu á þessum ó/happadegi?
Oh my...

History keeps repeating it self...

...þið eigið kannski ekki eftir að trúa þessu.
Bílnum okkar var stolið AFTUR...6 dögum eftir að við höfðum fengið hann aftur!!
Bara horfinn á núna mánudaginn.
TJ lét löggarana vita og bíllinn var eftirlýstur á ný.

Tj fór út að hjóla í gær til að svipast um eftir bílnum og mætir honum á Nørrebrogötu. TJ reynir að fylgja honum eftir og tekst það þar til kauði gefur í og hann verður að gefast upp. Frekar súr yfir því.

Í dag miðvikudag hringdi löggan í Tj og lét hann vita að bíllinn hefði sést á bílastæði ekki all langt frá húsinu okkar. Löggan sagðist ekkert geta gert í málinu núna þar sem það væri svo mikið að gera hjá þeim. Tj lét ekki segja sér það tvisvar. Hann sótti bíllykilinn og hélt til bílastæðisins til að athuga með að stela bílnum til baka. Ætlunarverkið tókst og höfum við nú endurheimt gripinn AFTUR.
Þetta var sami þjófurinn þar sem að hann skildi eftir sömu verksumverki. Skeið, álpappír og 20 schillingaseðil.
Mér finnst hann ansi frakkur að taka sama bílinn tvisvar!!

Eftir að TJ hafði sótt bíliin fór hann með hann i hreinsun og svo héldum við út í búðina T.Hansen til að kaupa stýrislás.
Mér þykir það nokkuð kaldhæðnislegt að eftir að bílnum var stolið í fyrsta skiptið fórum við að kaupa stýrislás en það var bara allt uppselt. Svo planið var að reyna aðra búð við tækifæri.
í millitíðinni náði maðurinn að stela honum aftur.

Bara rugl...

Nú fer bíllinn hvergi þar sem hann er kominn með þennan líka fína skærgula stýrislás. Við bindum allar vonir okkar við hann þar sem að bíllinn þolir varla mikið meira af glannaakstri frá dópista sem kann ekki að keyra!

Annars ekkert spennó að fréttta:)

Bókanir bókanir...

...fólk er aldeilis byrjað að taka við sér í pöntunum á gistingu hjá okkur.
Sem er bara hið allra besta mál. Held samt að við séum orðin fullybooked fyrir haustönnina, þar sem því miður þarf að vera tími fyrir skólann.
Sigga sis kemur seinnipartinn í október, Harps, Haukur og Kristín litla María koma i lok nóvember, í byrjun des ætlum við að spranga um í tívolí með Herði og Önnu kærustu hans....Guðrún vinkona mín Ragna hefur svo pantað eina nótt um miðjan des...
Þetta eru allt góðir gestir og hlökkum við mikið til að fá þau!

Nú er bara að fara að íhuga vorönnina sem enn innheldur nokkur laus pláss;)

það er aldeilis...

...að Katie okkar Holmes fær ekki að hvíla sig. Tom er víst búinn að ráða barnfóstru til að passa krakkann til þess að Katie litla geti verið komin í topp form fyrir brúðkaupið. Og áður en barnfóstran kom til var hún að lyfta lóðum 5 sinnum í viku.
Það ætti að loka þennan mann inni....ja eða vekja Katie upp af þessari vitleysu. Hún hefur enga sjálfsvirðingu greyið...því gamla góða "ég elska þig eins og þú ert" á greinilega ekki við í þessu sambandi...fuss!
(-í þessu skrifum er gengið út frá því að allt slúðrið sem ég hef lesið sé dagsatt!)

Peter Andre (muniði annars eftir honum), konan hans var að koma upp um leyndarmál hans í slúðurblöðunum. Ástæðan fyrir að hann er alltaf svona svaka brúnn er að hann makar á sig kóka kóla áður en hann fer í sólbað...og þá erum við sko að tala um kók light til þess að skordýrin sæki ekki jafn mikið í hann...oj!

Victoria Beckham er víst orðin besta vinkona Katie Holmes því að Katie er vinsæl í slúðurblöðunum og Viggu okkar sárvantar fjölmiðlaathygli sem ekki beinist að karlinum hennar...

Æ mér finnst fræga fólkið í dag vera asnalegt...hvað varð eiginlega um að vera bara frægur og auglýsa kókakóla?

Rændu og rupluðu....

Já kæra fólk við breyttumst skyndilega úr því að vera eigendur tveggja bíla( í sitthvoru landinu) til þess að vera bíllaus á 4 dögum.
"Glæsikerrunni" okkar(svipuð bílnum hér að ofan bara "gamlari") var stolið fyrir utan húsið okkar á mánudag..ja eða kannski sunnudag. Mánudags kvöldið hringdi síminn þegar við vorum búin að taka fyrsta bitann af kvöldmatnum. Löggan spyr hvað TJ hafi sé eiginlega að hugsa og spyr einhverra spurninga um bílinn...TJ labbar út með manninn í símtólinu og kemst að því að bíllinn sé horfinn. Við nottlega voða hissa á því að bílinn sé hvergi að finna og að bíllinn hafi í þokkabót keyrt á mótorhjólamann og stungið af.
Manni leiðist sko ekki í Köben...!!
Bíllinn fannst svo í einhverri götu á Nørrebro og þegar við komum að bílnum var hann sem betur fer ekki allt of illa farinn(=getur enn keyrt). Við spæjararnir komust að því að þetta hafi verið dópisti(=skeið og álpappír) sem borðaði snakk og súkkulaði og skildi eftir 20 schillinga í sætinu. Höfum velt fyrir okkur hvort að hann hafi verið að borga fyrir lánið.

Við ætlum að dauðhreinsabíllinn og bolta upp annað brettið sem hangir laflaus(ákeyrsla á mótorhjólið) en skrámurnar og beyglurnar fá að standa. Við eigum núna alvöru ghetto-bíl með brotinn spegil og marglitar rendur á hliðunum( eftir að hafa keyrt inn í hliðina á öðrum bílum gerum við ráð fyrir)

Já já.....annars ekkert spennó að frétta svosem;)

Feiti maðurinn...hahaha

Fjölskyldu minkun...

....Bíllinn okkar hann Willy hefur verið seldur.
Við þessi merku tímamót eru tilfinningar blendnar þar sem við gleðjumst mjög yfir að þurfa ekki að borga tryggingar áfram en hryggjumst yfir þeirri staðreynd að Willy með sín hestöfl og bilanir tilheyri okkur ei meir.
Megi gæfa og gengi fylgja honum með nýjum eigendum.

TJ var að koma frá Íslandinu góða þar sem hann meðal annars gekk frá sölu Willy ásamt öðrum pappírsmálum sem þurfti að ljúka. Nú þegar búið er að taka upp úr töskunum sit ég uppi með lager af íslensku nammi sem ég á án ef á eftir að smjatta mig í gegnum á no time og þar af leiðandi auka rúmmál mitt enn frekar eftir nammiflipp sumarsins. Gott mál!!;)
Ég þakka kveðjurnar frá þeim sem Tj rakst á á ferð sinni...

Haust-kveðjur frá Köben

Töff mynd um arattu

Ég er enginn voðalegur "coke a cola" aðdaðandi....

...en mér finnst þessi auglýsing algjört æði.
Auðvitað er verið að hvetja til tilbeiðslu drykkjarins en burt séð frá því eru þessar loðnu kyssukúlur bara yndislegar.





Maður er allur að koma til heilsulega séð...loksins...ég gleðst mikið yfir því!

Ótrúlega fínt veðrið hjá okkur hér...og nú finn ég að ég er ekki í bloggstuði akkurat núna.
-more later

æ mig auman

I dag er ég lasin og ég var lika lasin á fimmtudag. Hvernig er hægt að vera veikur með dags millibili?? Og þá sérstaklega þegar fólk fyrir utan gluggann minn gengur um í suttbuxum og bol í september? Hvernig er þetta hægt...??
ég vorkenni mér alveg svakalega akkurat núna því ég er að missa af grillveislu og öðrum skemmtilegheitum í sólinni.

Just my luck:/

My darling Daisy

ég lofaði myndum í júlí...hér er loksins ein af mikilvægasta farartæki mínu þessa dagana. Hún stendur sig eins og hetja og hefur ekki sprungið á henni enn...7,9,13!

Aukalegar upplýsingar: ég hef fjárfest í flugmiða heim um jólin og ætla mér að vera í 19 daga. Ánægjuleg tilhugsun!
-20.des er dagurinn....og eru aðeins 90 dagar í þann merka dag. Punktið þetta hjá ykkur;)

Nautlliðug joga drottning

Mín var að byrja í jóga í dag. Er voða ánægð með mig og stefni á að verða eins liðug og konan á myndinni eftir þessa tíma.
Ég mæli með svona "leikfimi" fyrir alla þar sem þetta er yndisleg heilsurækt. Sérstaklega slökunin í lok hvers tíma!

Nóg að gera í skólanum hjá mér þessa dagana vorum að skila full size módeli af manneskju í ákveðnni hreyfingu í dag. Set kannski inn mynd seinna. Næstu daga verð ég í því að hanna hlut(hluti) sem vinnur með hreyfingum mannsins. Mjög spennandi verkefni...

Hef þær ánægjulegu fréttir að bólgan á fætinum eftir flugnabitin er að hjaðna....finally...

Nóg í bili...

I tilefni þess að i dag er manuður siðan eg varð 25 ara...

...25 SIGNS YOU HAVE GROWN UP

1. Your houseplants are alive, and you can't smoke any of them.

2. Having sex in a twin bed is out of the question.

3. You keep more food than beer in the fridge.

4. 6:00 AM is when you get up, not when you go to bed.

5. You hear your favorite song in an elevator.

6. You watch the Weather Channel.

7. Your friends marry and divorce instead of "hook up" and "break up."

8. You go from 130 days of vacation time to 14.

9. Jeans and a sweater no longer qualify as "dressed up."

10. You're the one calling the police because those %&@# kids next door won't turn down the stereo.

11. Older relatives feel comfortable telling sex jokes around you.

12. You don't know what time Taco Bell closes anymore.

13. Your car insurance goes down and your car payments go up.

14. You feed your dog Science Diet instead of McDonald's leftovers.

15. Sleeping on the couch makes your back hurt.

16. You take naps.

17. Dinner and a movie is the whole date instead of the beginning of one.

18. Eating a basket of chicken wings at 3 AM would severely upset, rather than settle, your stomach.

19. You go to the drug store for ibuprofen and antacid, not condoms and pregnancy tests.

20. A $4.00 bottle of wine is no longer "pretty good stuff."

21. You actually eat breakfast food at breakfast time.

22. "I just can't drink the way I used to" replaces "I'm never going to drink that much again."

23. 90% of the time you spend in front of a computer is for real work.

24. You drink at home to save money before going to a bar.

25. When you find out your friend is pregnant you congratulate them instead of asking "Oh S*$# what the hell happened?"


Já krakkar mínir...komin tími til að meðtaka staðreyndina um að maður sé að verða fullorðin.
Ég vil samt benda á ég lifi eftir mínu mottói sem er: "You are Only as Old
as You Feel".

ætla ekki að monta mig...

...það er þvílík sumarblíða/haustblíða hér í Köben núna.
Ég held að það sé meira segja möguleiki á fari ef maður gefuri sér tíma til þess.
Svona á haustið að vera...og helst veturinn líka;)

Örkveðja úr góða veðrinu

The ultimate nörda hobby

Mér finnst þetta fyndið..það er líklega af því af því að ég er alin upp með svona föndurefniviði

En hvað þetta hlýtur að vera gaman

Mig langar líka að dansa svona

Skolaferðin mikla

Ég er komin aftur úr ferðinni heil á húfi og í einu stykki...en þó frekar götótt.
Var bitin vel og vandlega af mýflugum, er t.d. með ökla sem virðist vera tognaður bólgulega séð og önnur augnabrúnin er einnig fallega búnguð. Auk þess hef ég fjöldan allan af smærri bitum á fótunum. Sem betur fer var ég í síðbuxum og í langermapeysu sem bjargaði restinni af líkamanum.
Þetta voru agressivar mýflugur og auðvitað varð ég að fá svona sterk viðbrögð við bitunum. Kíkti til læknis og sem betur fer er ég ekki með ofnæmi...bara mikið óþol. Oh well...ég ætla mér ekki út í sveit á næstunni.

Ferðin var skemmtileg. Við fórum á fallegan sumarleyfisstað þar sem við gistum 5 í hverjum "hytte"(=smáhúsi). Þemaið var tónlist og ég lenti í pönk grúbbunni. Við þurfum að búa okkur til einkennisklæðnað, hróp og dans og e-ð fleira. Sem betur fer eru pönkarar svo anti-social að við sluppum við allt það. Pönkarar láta sko ekki segja sér að hrópa e-ð og hvað þá dansa. Við vorum bara pönk:) Hinir hóparnir voru hip-hop, kántrí, teknó og reggí. Það var ágætis matur og stóð eldhús hópurinn sig vel. Við fengum endalaust kökur og eftirrétti inn á milli máltíða.
Það var auðvitað partý bæði kvöldin og stóð ég mig betur seinni kvöldið eins og flestir gerðu...ég endist þó alls ekki alla nóttina eins og sumir og kenni ég aldrinum þar um...ja eða bara þreytu.

Allt í allt fín ferð og hefur maður nú kynnst aðeins fleirum af samnemendum sem er bara gott mál.
En ég get samt lofað ykkur að ég var dauðfegin að komast heim. Milljónir vespna um daginn og allt morandi í mýi á kvöldin. Fuss ég styð "a bug free world"

Intro verkefnið buið

Jæja fyrsta verkefnið er búið. Þetta var nú meira gaman en alvara sérstaklega þar sem maður var að kynnast fólkinu sem maður var í hóp á sama tíma og maður átti að geta verið sammála um hitt og þetta og unnið saman. Gekk misvel hjá fólki en á heildina litið var þetta voða stuð. Verkefnin voru svo sýnd í gær og hér eru nokkrar myndir af lausnum fólks. Gaman að sjá hversu ólíkar sumar lausnir voru. Ég nennti ekki að setja inn myndir af öllum heldur bara smá sýnishorn.


Þetta endaði með að vera framlag míns hóps...gömlu góðu skíðin með kústum undir. Svo að við sópuðumst bara yfir götuna.


Segulskór sem áttu að notast við segul mögnun til að komast yfir. Við urðum bara að ímynda okkur segulmögnunina.


Þessi manneskja var íklædd galla sem á voru festir fullt fullt af uppblásnum latexhönskum. svo rúllaði hún sér yfir á meðna hinir hópmeðlimirnir sópuðu götuna til að fjarlægja smásteina og svol. svo hanskarnir spryngju ekki jafn hratt. Þegar hún var komin yfir voru flestir hanskarnir sprungnir. Svo hún rétt náði;)


Þemaið þeirra var endurvinnsla og bjuggu til "teppisstranga" sem þau gátu öll komist yfir með. Vonandi sést á myndinni hvernig það virkar.


Sumir voru í búning og læti....það tók hana langan tíma að komast yfir götuna. Virkar s.s. þannig að hún klifraði alltaf upp eina "tröppu" í einu og þá "rúllaði" það áfram hægt en örugglega.


Hópurinn var inna í rúllunni og færðist "vegurinn" áfram þegar fólkið rúllaði sér samtaka áfram. Þau kölluðu þetta "rolling road"


Klassíski hopparinn með fullt af boltum undir tréplötunni.


Þau vorum mjög mjög hægfara en hreyfðust þó. Svoldill speisfílingur:)


Á morgun fer ég í skóla-ferðina og kem aftur á þriðjudag. Vinsamlega skiljið eftir skilaboð hjá ritaranum mínum ef þið þurfið að hafa samband;)
Kv. Miss Bissí!!