Læfstæl í Leðurborg

Í gær skelltum við okkur á árslega lífsstílsmessu með systkinum TJ...við förum yfirleitt þegar við erum í DK á þessum tíma. Þetta er haldið utandyra á svæði í kringum einhverskonar höll sem einhver greifi eða e-ð svoleiðins á.
Eins og öll hin árin var mikið af áhugaverðum varningi til sölu. Mér var kynnt snilldartækni til að halda sundlauginni minni hreinni. Sýnd panna sem gerir manni kleift að poppa yfir opnum eldi. Smökkuðum bestu spægipylsu Danmerkur(samkvæmt sölumanninum), mismunandi illa lyktandi osta, vín og bjór frá hinum og þessum brugghúsum. Fylgdumst með körfugerðamanni og fengum nudd í hátækni nuddstól. Svo var líka hægt að prufa og kaupa kajaka, heita potta, grill af öllum stærðum og gerðum, allskonar gourmet mat(olíur, súkkulaði, kjöt, brauð.....), jeppa, mótorcross hjól, sjálfvirkar sláttuvélar og ryksugur, föt á fullorðna og börn og fleira og fleira..... Sáum skoskt sekkjapípuband spila og marsera um svæðið(heyrðum seinna að þeir töluðu dönsku í pásunni=svindl) og borðuðum hádegismat og annað spennandi gotterí sem var í boði í steikjandi sólskini.

Á seinasta ári var rigning, Það var aldeilis ekki jafn gaman og í ár.