Gledilegan "helgin er buin" dag

jæja....stórt JÆJA...enn og aftur er ég fegin að helgin er búin. Ég er ábyggilega ein af fáum sem oft er fegin að það sé komin mánudagur. Ég er búin að vinna föst,laug og sunn og inni í því var bóndadagurinn. Það var ágætt að gera...en konur voru samt ekki alveg jafn duglegar að kaupa blóm handa körlunum sínum eins og í fyrra eða árið þar áður.

Ég hef þrátt fyrir vinnuna náð að borða þorramat tvisvar um helgina...ég flokkast samt undir "harðfisks og hangikjöts-týpuna" sem tekur enga sénsa í punga og kjamma áti. Ég er sátt við það...hákarlinn er heldur ekki að tæla mig með ljúfum ilmi(svo það er eiginlega hans sök að ég borði þetta gums ekki).

Skellti mér í fjölskyldu-þorra-boð en kom frekar seint vegna vinnunar (ætti maður ekki bara að hætta í þessari vinnu?!) þannig að þegar ég hafði rétt lokið við að borða voru allir á leiðinni heim;)...En þrátt fyrir stuttan tíma þá var þetta ánægjulega fjölskyldustund.

All in all fín helgi.